الثلاثاء، 8 يناير 2013

أمـــــــــــتى راح تـــرجعلــــــى






عينى بتبكى و روحى بتشكى و قلبى مالبعاد مجروح ♥

فاكرنى هنسى قلبك لا دا قلبى فى غيابك موجوع ♥

بتقولى غصب عنى و أنا حساك بتبعد عنى ♥

تفتكر سهل عليا أعيش من غير روح ♥

دانا روحى مفارقه ♥

و عينى فالدموع غارقه ♥

و قلبى بيك شغوف ♥

بترجاك تعود تانى وحياة حبى متنسانى ♥

دانا فبعادك بمــــــــــــــــــوت ♥

فى نهارى بستناك و أنا حسه بطيف هواك ♥

و فليلى حضنه صورتك و فبالى أبتسامتك ♥

و كتير يلمسنى نفسك و كأنى سمعه همسك ♥

أزى قدرت تبعد عنى قلبى هان عليك ♥

و أزى عنيك تغمض دانا طول ليلى أفكر فيك ♥

و روحك مرتاحه فبعدى دانا روحى مشغوله بيك ♥

حلفتك ما تبعد عنى دانت أقربلى منى ♥

و حياتك طمنى أمتى راح ترجعلى ♥

(♥♥ بقلمـــــى . نانا محمـــد♥♥)

الجمعة، 4 يناير 2013

حـــضـــارة زمـــــــــانــك

حضارة زمانك .
~~~~~~~~

اه يا بلدى و عينى عليكى .
اه يا بلدى ياللى العين عليكى .
اه يا بلدى كل العالم طمعان فيكى .
وحكامك باين عليهم هيفرطوا فيكى .
اه يا بلدى سرقوا تاريخك .
فين أثارك فين جمالك فين حضارة جيل زمانك .
اه يابلدى قلبى حزين عليكى .
اه يا بلدى مين الخاين فيكى .
حاكم نظام سابق ثورنا وخلعناه .
ولا حاكم أخوانك اللى رحنا أيدناه .
قولى يا بلدى أيه الصح فيكى .
أبعد عن أخويا و جارى اللى معايا ليلى و نهارى .
بيقولى الشيخ حرام أهنيه بعيده او أقوله عيد سعيد عليكوا .
طيب ربى قال فى كتابه لكم دينكم و لى دين .
و ربى أنزل القرأن و الأنجيل .
أحتار تفكيرى بين الشيخ و جارى .
أصل جارى عمره ما أذانى بالعكس كان هو اول من حمانى .
و بعد يوم نفس الشيخ بيقول لعدوى و عدو جارى .
تعالى أسكن و عيش هنا من تانى .
و هيشاركنى زمانى . و ياخد قوتى و قوت جارى .
دا مش بعيد يخطف كمان قوت عيالى .
طيب بالله عليك دا كلام هيتقبله أى مواطن .
أصل الكارثه إن عايز عدوى يكونلى أقرب من جارى .
طيب أزى و هو دا اللى قتل أجدادى .
و هو اللى أمنيته الوحيد يسرق زمانى .
مهما تعمل هو عدوى .
و مهما هو يعمل مش همحى التاريخ من خيالى .
أصل بلدى مش نقصه تجيب كام ألف على اللى فيها .
داللى فيها ذاقو مرار معانيها .
مش نقصه يجى سهيونى يدمر فيها .
و أه يا بلدى .

(♥ْ~ بقلمـــــى * نانا محمـــد ~ ♥ْ)