الاثنين، 3 ديسمبر 2012

مــــش عــوايـدك

مش عوايدك

********


مش عوايدك تبعد . تأسى . 


تنسانى

مش عوايدك تعلم قلبك يأسى 





عشانى

مش عوايدك تنسى حبى

مش عوايدك تنسى قلبى

مش عوايدك تنسانى

مش عوايدك

مش عوايدك ياللى روحى 





دايبه فيك

مش عوايدك ياللى قلبى بينده عليك

مش عوايدك ياللى عينى عشقت عنيك

مش عوايدك ياللى سهرت الليل عشانك

مش عوايدك

زمان قلت حبك ملك كيانى

و قلبك هو بيتى و مكانى

و روحك ما بتفرقنى حتى فى منامى

أيه جرا أيه خدك منى ومن زمانى

مش عوايدك

مش عوايدك تنسانى

وحـشــتــــنــــــــــــــى

وحشتنى ...

وحشتنى و بتمنى يوم 


أشوفك

وحشتنى و بحلم كفوفى 


تحضن كفوفك

وحشتنى أجمل كلمه 

من شفيفك

وحشتنى قلبى دايب فى 

نبع حبك

وحشتنى


وحشتنى ياللى 

سهرتنى ليالى بطولها

وحشتنى قلبى بيرتاح لما بيقولها

وحشتنى وقدر قلبى من الزمان يصونها

وحشتنى

وحشتنى يا خاطف قلبى من مكانه

وحشتنى يا حلم أجمل من خياله

أقولك أيه وحشتنى

بعد الساعات وأقول أمتى تيجى تضمنى

و روحى ترتاح فحضن قلب يحبنى

وحشتنى
وحشتنى يا نجم ساكن فى سمايا

وحشتنى يا نبض مالك خطايا

وحشتنى يا طفل عاشق صبايا

وحشتنى يا أغلى من عنيا

وحشتنى يا كل حاجه ليا

وحشتنى